ஒரு போகத்துக்கு ஏழு சாலு உழவு !

கோடை மழைக்கு ரெண்டுசாலு !

காணிக்கு இருபது வண்டி எருதள்ளி !

மடக்கு உழவு இரு சாலு ! 

"புல்லு மடக்க" இரு சாலு !

வெதப்புக்கு ஒரு சாலு ! ஆக,

காணிக்கு ஏழு சாலும் சேர்த்து ,

நடந்தது எழுபது மயிலு !

மறுநா மழைக்கு காத்திருக்கேன் !

வெதப்போட போயிடுமா ?

மானம்பாத்து காத்திருக்கேன் !

மழை வருமான்னு "மானத்தோட" !

ஒரு குத்து பயிறு வச்சி !

ஒரு வயித்து சோறு போட்டோம் !

அரை வயித்து பசியோட !

உளையில நடவு நட்டு !

உரலுல "வல்லம்" நெல்லு குத்தி ,

ஒரு படி அரிசியில உலைவச்சோம் !

அதுல உறுமத்துக்கும் கஞ்சி மிச்சம் !

நாக்குக்கு ருசியா சோறு !

நல்லநாளு பெருனாளுலத்தான் !

,,,,,,,,,,,,,,,,,,,,,,,,,,,,,,,,,,,,,,,,,,,,,,உழவன் !

உழைக்காதவன் எல்லாம், 

உழைக்கவேண்டும்!

விவாசாயிடம் பிச்சை கேட்கும் காலம் ,

வெகு தொலைவில் இல்லை !

எத்தொழில் போற்றிலும் !

இத்தொழில் போற்றனும் !

கண்டுபிடிப்பு:-

படித்தவனெல்லாம் புத்திசாலி என்றால் !

வாருங்கள் !

உணவு உற்பத்தி செய்ய !

எத்துனை தொழில் வந்தாலும் ,

மூன்று வேலை சோறு வேண்டும்.!

இல்லன்னா கண்டுபிடிப்புகளெல்லாம் ,

கண்டுபிடிக்கவேண்டும் !

இனி வரும் காலத்தில்,

குழந்தைகளுக்கு விவசாயம் தெரியவேண்டும் !

முதல் முயற்சியுடன் என் குழந்தைகளுடன் !

பெருமைக்காக என்றாலும் , உண்மையே !

என் பிள்ளைகளை பெற்றதில் !

விடியட்டும் !

ஒரு வேலை சோற்றுக்கே !

பிச்சைஎடுக்க வைக்கும் இந்த சமுதாயமும் ,

ஒரு மானமுள்ளதுதானா ? 

சாதி , மதம் , என்ற மதம்பிடித்து மதத்தினை திணிப்பவர்களே! 

முதலில் மனிதனாக மாற முயற்ச்சி செய்யுங்கள் ! பாவம் ! 

ஏழை எளிய மக்களின் இயலாமையை சாதகமாக்கி, 

அற்பத்தனமான ஆசைகளை காட்டி அவர்களின், 

உழைத்து வாழ்ந்த வாழ்க்கையையும் வீணாக்கி பிச்சை எடுக்க வைக்காதீர்கள் ..... வல்லரசாக வேண்டாம் !

முதலில் நல்ல அரசாக இருந்து ,

வருங்காலத்தின் முதுகெலும்பான இளைய சமுதாயத்தியாவது !

பிச்சை எடுக்கவைக்காமல் இருந்தால் போதும் !

நகர வாசிகளே !

நாளையும் எழுதுவீங்க !

கிராமத்தான பாத்து நாட்டான்னு ,

எங்க நிலைமையோ ,

விழி திறந்தாலே! கண்ணீர் வரும் ,

தண்ணீர் இல்லை என்பவர்கள் ,

"தன்"நீரை தருகின்றேன் ,

தாகம் தணியுங்கள்!

உழைத்தது எல்லாம் உங்களுக்கு ,

உழைப்பவனின் " உப்பும் "உங்களுக்கே !

உணர்வே இல்லியா ? 

எங்களுக்கு ,

"மினரல் வாட்டர்" வேண்டாம் ,

எங்கள் தலைமீது "இடி"ந்து விழும் ,

"மின்னலின் வாட்டர்" போதும் !

வாழ்ந்தாள் தண்ணீர் குடித்து வாழ்கிறேன் !

இல்லையேல், இடி விழுந்து சாகிறேன் !

சுயநலமான சமதாயத்தில் இன்னும் ,

எவளவு நாள்தான் வாழ்வதோ !

விளைவித்த விவசாயிக்கு ,

விலை வைக்கும் உரிமை கூட இல்லை ,

விளைந்த பயிரெல்லாம் ,

களத்துமேட்டிலே கால் விலைக்கு போயாச்சு !

மிச்சம் "அடுக்குப்பானையில்" 

அடுத்த வருஷ விதைப்புக்கு "விதை " மட்டும் ,

நாங்கள் விதையாக இருந்து முளைக்கின்றோம் !

அறுவடைக்கு மட்டும் யாரோ ! 

உழைச்ச எனக்கு ,

சோழ சோறும் , 

முருங்கை கீரை கூட்டும் , 

பொட்டுகடலை துவையலும் . 

ஆனால் அடுத்தவன், 

உழைப்பில் வாழும் சோம்பேறிக்கு,

பொன்னி அரிசி சாதமும், 

பொரியல் , கூட்டு , 

சாம்பார் ,ரசம் , தயிர், 

அப்பளம், வடை ,பாயாசம்.

என்ன கொடுமை சார்?

இன்று பயிருக்காக !

மண்ணில் புதைத்த என் கால்கள்,

"கால்களோடு" மட்டும் போகுமா ?

"நெல் " அறுவடைக்கு பின் ,

"இல்லை" நானுமா ?,,,,,,,,,, உழவன் !

உலகுக்கே! 

உணவளிக்கும் உழவனின் வயிற்றுக்கு,

ஒருபருக்கை சோறுகூட ,

ருசிக்காக கிடைக்கவில்லை !

பாவம் பசிக்காக!

" பழையதும் பச்சமிளகாயும்தான் மிச்சம்"

இதனால் பசியின் வயிற்றுப்புன்னும், 

சுருக்கங்கள் மட்டுமே சொச்சம்!

கொடுமைக்குகூட பாவம் ஏழை, 

விவசாயியைத்தான் பிடிகின்றதாம் ! 

,,,,,,,,,,,,,,,,,,,,,,,,,,,,,,,,,,,,,,,,,என்ன கொடுமை ?